ఏకకాలంలో రెండు డిగ్రీలు.. యూజీసీ నూతన ప్రతిపాదన

యూనివర్సిటీ గ్రాంట్స్ కమిషన్ విద్యార్థులకు కొత్తగా ఓ వెసులుబాటు కల్పిస్తుంది. ఒకేసారి రెండు డిగ్రీలను పూర్తి చేసుకొనే అవకాశం కల్పిస్తుంది. యూజీసీ కార్యదర్శి రజనీష్ జైన్ ఈ విషయం తెలిపారు. అయితే, రెండు కోర్సులు రెగ్యూలర్ గా చేసేందుకు వీలు లేదని.. ఒకటి రెగ్యూలర్ లో, మరో కోర్సు ఆన్లైన్ లో లేదా డిస్టెన్స్ లో కానీ చేయాల్సి ఉంటుందని ఆయన తెలిపారు. ఈ ప్రతిపాదన ఏడేళ్ల నుంచి ఉందని.. అయితే.. పలు కారణాల వలన ఇది వాయిదా పడుతూ వస్తుందని ఆయన చెప్పారు. దీనికి సంబంధించిన ప్రకటన అధికారంగా త్వరలో రానుంది.