సమంత, రష్మిక.. అక్కా చెల్లెళ్లు

ఒకరిని మించి ఒకరు అందమైన ముద్దుగుమ్మలు. స్టార్ హీరోయిన్లు ఇద్దరూ కలిసి ఒకే సినిమాలో నటిస్తున్నారు. ఇలాంటి అరుదైన దృశ్యాలు ఒకప్పుడు శ్రీదేవి, జయప్రద అక్కా చెల్లెళ్లుగా నటించిన సినిమా చూశాము. మళ్లీ ఇన్నాళ్టికి ఓ యువ దర్శకుడు ఆ సాహసం చేసి ఇద్దరు హీరోయిన్లను ఒకే సినిమాలో నటింపజేస్తున్నారు. ప్రతి సినిమాని ఓ ఛాలెంజింగ్ గా తీసుకుని చేసే సమంత.. ఇండస్ట్రీకి వచ్చిన కొద్ది కాలంలోనే అభిమానులను సంపాదించుకున్న రష్మిక మందన కలిసి ఓ సినిమాలో అక్కాచెల్లెళ్టుగా నటించబోతున్నట్లు సమాచారం. లాక్ డౌన్ సమయంలో దర్శకుడు వీరిద్దరి కోసం ఓ కథను సిద్ధం చేశారట. ఆ కథను విని సమంత, రష్మిక ఓకే చెప్పినట్లు తెలుస్తోంది. ఓ ప్రముఖ నిర్మాణ సంస్థ ఈ చిత్రాన్ని తెరకెక్కించనుందని వార్తలు వినిపిస్తున్నాయి.