Live News Now
  • విజయవాడనుంచి అమలాపురం వెళుతున్న ఎక్స్ ప్రెస్ బస్సులో మంటలు
  • అప్రమత్తమైన డ్రైవర్....మంటలార్పిన ప్రయాణికులు
  • గుంటూరు: జూన్ 5నుంచి 8వ తేది వరకు జిల్లాలో చంద్రబాబు పర్యటన
  • జూన్ 5న లాంఫామ్ లో వ్యవసాయ విద్యవిద్యాలయానికి శంకుస్థాపన
  • జూన్ 6న రాజధానికి భూమిపూజ, 8న బహిరంగ సభ - మంత్రి పుల్లారావు
  • లాండ్ పూలింగ్ ద్వారా ఇప్పటివరకు రైతులు 17,814 ఎకరాలు ఇచ్చారు...
  • రైతులతో ఒప్పందాలు చేసుకున్నాం - మంత్రి నారాయణ
  • టిఎస్ఆర్టీసి అపాయింటెడ్ డే ఖరారు...
  • జూన్ 3 నుంచి విడివిడిగా తెలంగాణా, ఏపి ఆర్టీసి కార్యకలాపాలు
  • ఏపిలో వచ్చేనెల 3నుంచి7 వరకు రెండో విడత జన్మభూమి కార్యక్రమం
ScrollLogo జూన్ 2ను స్ఫూర్తి దినంగా ప్రకటించాలని నిర్ణయం ScrollLogo హైదరాబాద్ లో 25వేల మంది ఏపి ఉద్యోగులు...వెళ్లేందుకు ప్రత్యేక బస్సులు ScrollLogo టిడిపి కేంద్రకమిటి అధ్యక్ష పదవికి నోటిఫికేషన్ ScrollLogo చంద్రబాబు పేరును ప్రతిపాదిస్తూ 6 సెట్ల నామినేషన్లు దాఖలు ScrollLogo హైదరాబాద్: టిఆర్ఎస్ లో చేరిన ఏడుగురు ఎమ్మెల్యేలకు హైకోర్టులో ఊరట ScrollLogo ఎమ్మెల్సీ ఎన్నికల్లో ఓటు హక్కు ఉపయోగించుకోవచ్చని స్పష్టం చేసిన కోర్టు ScrollLogo ఈ సమయంలో ఎమ్మెల్సీ ఎన్నికల్లో జోక్యం చేసుకోలేమని చెప్పిన హైకోర్టు ScrollLogo కృష్ణా:ఆగిరిపల్లి(మ)వడ్లమూడిలో భూతగాదాలతో ఓ కుటుంబంపై దాడి ScrollLogo రెండు ఇళ్లను కూల్చివేసిన దుండగులు...ఆగిరిపల్లి పిఎస్ లో ఫిర్యాదు ScrollLogo ప.గో: తాడేపల్లిలో తప్పిన ఘోర ప్రమాదం...
Tollywood/Bollywood
Crime Watch
Movie Reviews
TELE "VISION"
అమెరికాలో భర్తీ కాని టెక్ ఉద్యోగాలు నిపుణులు కావలెను. H1-B వీసాలను పెంచవలెను. ఇదీ అమెరికా ఐటీ కంపెనీల తాజా నినాదం. లక్షలాది టెక్ ఉద్యోగాలు భర్తీ కాకపోవడానికి కారణం, ఈ వీసాలపై ఉన్న ఆంక్షలేనని సదరు కంపెనీలు వాదిస్తున్నాయి. ఆర్థిక వ్యవస్థపైనా ప్రభావం పడుతోందని, కాబట్టి ఈ వీసాలను పెంచాలని అమెరికా ప్రభుత్వాన్ని కోరుతున్నాయి.

స్టెమ్ ఫీల్డ్స్ గా పిలిచే సైన్స్, టెక్నాలజీ, ఇంజినీరింగ్, మేథమెటిక్స్ లో నిపుణులైన ఉద్యోగుల కొరత  తీవ్రంగా ఉందని అమెరికా కంపెనీలు చెప్తున్నాయి. స్వదేశంలో అర్హులు లేనప్పుడు ప్రపంచ వ్యాప్తంగా ఉన్న నిపుణులను ఆహ్వానించక తప్పదని అవి వాదిస్తున్నాయి. అమెరికా అభివృద్ధిలో సిలికాన్ వ్యాలీ కంపెనీలది కీలక పాత్ర అని అమెరికా ఐటీ, ఇన్నొవేషన్ ఫౌండేషన్ అధ్యక్షుడు రాబర్ట్ అట్కిన్సన్ తెలిపారు. ప్రపంచ వ్యాప్తంగా ఉన్న నిపుణులతో ఉద్యోగాలను భర్తీ చేసే అవకాశం ఇవ్వకపోవడం అంటే, ఒక చేతిని కట్టేసి పనిచెయ్యమని చెప్పడమే అని ఆయన వ్యాఖ్యానించారు.

గత నెలలో 85 వేల హెచ్ 1 బి వీసాల కోసం  వివిధ దేశాల నిపుణుల నుంచి 2 లక్షల 33 వేల దరఖాస్తులు వచ్చాయి. దీంతో లాటరీ ద్వారా ఎంపిక చేశారు. ఇప్పటికైనా గ్లోబల్ రిక్రూట్ మెంట్ కు అవకాశం ఇవ్వాలని, ఆ మేరకు వీసాల పరిమితిని పెంచాలని సిలికాన్ వ్యాలీ కంపెనీలు ప్రభుత్వంపై ఒత్తిడి తెస్తున్నాయి. ఒక వేళ H-1 బి వీసాల పరిమితిని పెంచితే, భారతీయ ఐటీ ఇంజినీర్లకు మరిన్ని అవకాశాలు లభించవచ్చు.

బాహుబలి ఆడియో విడుదల వేడుక వాయిద పడే అవకాశం వుందని ఫిల్మ్ నగర్ లో పుకార్లు షికార్లు చేస్తున్నాయి. దీనికి సంబంధించిన అధికారిక ప్రకటన వెలువడాల్సింది ఉంది. బాహుబలి ఆడియో విడుదల వేడుక హైటెక్స్ ప్రాంగణంలోని ఓపెన్ గ్రౌండ్ లో పెట్టుకోవడానికి నగర పోలీసుల అనుమతి అవసరం ఉంది. ఈ నేపధ్యంలో ఈ వేడుకకు పోలీస్ డిపార్ట్ మెంట్ అంగీకరించడం లేదనే వార్తలు వెలువడుతున్నాయి. ఇదే వేదికపై గతం లో జూ. ఎన్టీఆర్ నటించిన బాదుషా సినిమా ఆడియో వేడుక జరిగింది. ఆ సమయంలో జరిగిన తొక్కిసలాటలో ఒక అభిమాని మరణించాడు. అప్పటి నుంచి సినిమా ఆడియో ఫంక్షన్స్ ను బహిరంగ ప్లేస్ ల్లో పెట్టుకోవడానికి పోలీస్ శాఖ అంగీకరించడం లేదని వార్తలు కూడా చోటుచేసుకొన్నాయి. మే 31 ఆదివారం...పైగా ఎప్పటి నుండో ఎదురు చూస్తున్న ఫంక్షన్ కావడంతో అభిమానులు విపరీతంగా వస్తారు దీంతో ఓపెన్ గ్రౌండ్స్ లో ఈ ఫంక్షన్ నిర్వహిస్తే జనాన్ని కంట్రోల్ చేయడం కష్టం అందుకని పోలీస్ శాఖ వారు ఈ కార్యక్రమానికి అనుమతిని మంజూరు చేయడంలేడని సమాచారం. దీంతో బాహుబలి ఆడియో విడుదల వేడుక వాయిదా పడి జూన్ 3 లేదా జూన్ 8న జరిగే అవకాశం వుంది. ఒకవేళ ఆడియో వేడుక రిలీజ్ వాయిదా నిజమైతే ప్రభాస్ అభిమానులకే కాదు...ఈ బాహుబలి సినిమా కోసం ఎదురు చూస్తున్న అశేష జనవాహినికి నిరాశ కల్గించే వార్తే... బాహుబలి సినిమా మొదలు పెట్టినప్పటి నుంచి ఏదో కారణంతో ప్రతి విషయాని ఏదో బ్రేక్ వస్తూనే ఉంది.  

మెగా కుటుంబపు మరో వారసుడు నాగబాబు తనయుడు వరుణ్ తేజ్. ఇప్పటికే ముకుంద సినిమాతో ప్రేక్షకుల ముందుకొచ్చాడు. ఈ సినిమా అనుకున్న స్థాయిలో హిట్ కాలేదు కానీ వరుణ్ తేజ్ నటనకు మంచి మార్కులుపడ్డాయి. నెక్స్ట్ సినిమాగా గమ్యం దర్శకుడు క్రిష్ తో కంచె లో నటిస్తున్నాడు. ఈ షూటింగ్ శరవేగంగా రూపొందుతుంది. రెండో ప్రపంచ యుద్ద నేపద్యంలో ఈ సినిమా ఉంటుందనే విషయం విధితమే. ఈ సినిమాలో వరుణ్ ఆర్మీ గెటప్ మేన్ గా నటిస్తున్నాడు. ఇప్పుడు ఈ స్టిల్ ఒకటి బయటికి వచ్చి సోషల్ మీడియాలో హల్ చల్ చేస్తుంది. కంచె సినిమాలో ఓ ఫారినర్ గా నటిస్తున్న వరుణ్ కి ఆ లుక్ బాగుందని అందరూ అనుకుంటున్నారు. డిఫరెంట్ జోనర్ లో సినిమాలు చేసే క్రిష్ తో సినిమా చేస్తున్న వరుణ్ సోల్జర్ గా ఎంతగా ప్రేక్షకులను ఆకట్టుకుంటాడో...అలరిస్తాడో చూడాలి.  


కోలీవుడ్ టాప్ హీరో సినిమాకి గల్ఫ్ కంట్రీలోని కువైట్ లో అవాతరం ఎదురైంది. తాజాగా సూర్య మాస్ సినిమాతో ప్రేక్షకుల ముందుకు వచ్చాడు. ఈ సినిమాని ప్రపంచవ్యాప్తంగా విడుదల చేయనున్న నేపద్యంలో మాస్ ని కువైట్ ప్రభుత్వం బ్యాన్ చేసిందనే టాక్ వినపడుతోంది. ఈ సినిమాలో హీరోకి సూపర్ పవర్స్ ఉన్నాయని అటువంటి పవర్స్ తమ ప్రజల మత విశ్వాసాలకి విరుద్దమని అందుకని అటువంటి మూఢనమ్మకాలను ప్రోత్సహించేపని తమ ప్రభుత్వం చేయదని మాస్ సినిమాని కువైట్ బ్యాన్ చేసిందట. గతం లో కూడా కువైట్ ప్రభుత్వం దక్షిణాది సినిమాలను నిషేధించిన సంఘటనలున్నాయి. విశ్వరూపం, గంగ సినిమాలను కూడా కువైట్ లో నిషేధించారు. కువైట్ లో తమిళులు తర్వాత మలయాళీలు, నెక్స్ట్ తెలుగువారు కువైట్ లో దక్షిణాది సినిమాలను బాగా చూస్తూ ఉంటారు. మాస్ సినిమా బ్యాన్ తో కలెక్షన్స్ విషయంలో అనుకోని దెబ్బే. ఇక తెలుగులో ఈ సినిమా రాక్షసుడు అనే పేరుతో మే 29న రిలీజ్ అవుతుంది. అదే రోజున రామ్ పండగ చేస్కో సినిమా రిలీజ్ అవుతుంది. మరి పోటీ ఎలాఉండబోతుందో...వేచిచూడాలి.



 
హిందీ సినిమా పీకూ ప్రేక్షకాదరణ, విమర్శకుల ప్రశంసలు పొంది సూపర్ హిట్ మూవీగా కలెక్షన్స్ లో దూసుకుపోతుంది. దీంతో ఈ సినిమాని రీమేక్ చేయాలని హక్కుల కోసం సురేష్ బాబు ప్రయత్నిస్తున్నాడట. కాగా ఈ పీకూలో హీరోయిన్ దీపిక పదుకొనే నటనకు విమర్శకులు సైతం ఫిదా అయ్యిపోయారు. మరి ఇప్పుడు పీకూ రీమేక్ చేస్తే తెలుగులో దీపిక పాత్రను ఎవరు చేస్తే బాగుంటుందని ఆలోచిస్తే అందరి మదిలో సమంత మెదిలిందట. ఈ పాత్రలో సమంత బెస్ట్... బిగ్ బీ మలబద్ధకపు పేషెంట్ గా దీపిక తండ్రి పాత్రలో అద్భుత నటన కనబరిచాడు. ఈ పాత్రకు ప్రకాష్ రాజ్ ఐతే సరైన న్యాయం చేయగలడు అంటున్నారు. కాగా పీకూ సినిమాలో ఓ ప్రైవేట్ ట్రావెల్స్ కంపెనీ ఓనర్ గా... పీకూ ప్లాన్ చేసిన రోడ్ ట్రిప్ కి అనుకోని పరిస్థితుల్లో డ్రైవర్ గా వచ్చే పాత్రలో ఇర్ఫాన్ ఖాన్ నటించాడు. వయస్సు ముదిరినా పెళ్ళి కాని ఇర్పాన్ తల్లి, చెల్లి పెట్టే టార్చర్ ని భరించే పాత్రలో కనిపించాడు. ఈ పాత్రకు పెళ్ళికాని ప్రసాద్ వెంకటేష్ ఐతే సరిపోతాడు అని టాక్. పీకూ రీమేక్ ఖాయమని...వెంకటేష్ బావగారి సరసన మరదలు సమంత నటించడం ఖాయమని గుసగుసలు వినిపిస్తున్నాయి.

అందం భౌతికమా..మానసికమా! కాస్తో కూస్తో చదువుకున్న వారంతా రెండోదానికే ఓటేస్తారు. కాని వాళ్లే భౌతిక అందాలకోసం పెంపర్లాడతారు. కారునలుపుగా పుట్టినవాడు కూడా తెల్లతోలు పిల్ల కావాలనుకుంటాడు. అందుకే నల్లటి అమ్మాయిలో తాము అందంగా లేమన్న భావన నాటుకుపోయింది. వారి ఆత్మన్యూనతను కంపెనీలు క్యాష్‌ చేసుకుంటున్నాయి..సెలబ్రిటీలు వాటికి ప్రచారం చేస్తున్నాయి. అయితే బుద్ధున్నవాడెడూ వాటిని నమ్మరు.. నలుపును తెలుపుగా మార్చటం ఎవరికీ సాధ్యం కాదన్నిది నిజం. అందుకే  నటి కంనగారౌనౌట్‌  ఫెయిర్‌ అండ్‌లవ్లీ భారీ ఆఫర్‌ను తిరస్కరించి సంచలనం సృష్టించింది!



మన బలహీనతను క్యాష్ చేసుకునేందుకు ఇబ్బడిముబ్బడిగా కాస్మెటిక్‌ కంపెనీలు పుట్టుకొచ్చాయి..విదేశీ బ్రాండ్లు నలుపు రంగుతో వేల కోట్లలో వ్యాపారం చేస్తున్నాయి. తాము చేసేది చవకబారు ప్రచారం అని తెలిసినా డబ్బుకోసం ఆ పనిచేస్తున్నారు. ఒక్కో సినిమాకు కోట్లలో రెమ్యూనిరేషన్‌ తీసుకునే షారూక్‌ ఖాన్, హృతిక్‌రోషన్‌, ప్రియాంక చోప్రా.. కత్రినాకైఫ్ వంటివారు నలుపును తక్కువ చేసి చూపించే యాడ్స్‌లో కనిపిస్తున్నారు. అయితే వీరికి భిన్నంగా కొందరుంటారు. చెప్పుకోవటానికి ఒక్క పెద్ద హిట్టూలేని ఓ మధ్యతరగతి హీరోయిన్‌ కంగనా రౌనౌత్‌ అందివచ్చిన భారీ ఆఫర్‌ను సింపుల్‌గా తిరస్కరించింది. అలాగని ఆమె దగ్గర ఇబ్బడి ముబ్బడిగా డబ్బులేదు. సౌందర్యసాధానలలో అగ్రగామి  ఫెయిర్‌ అండ్‌ లవ్‌లీ ప్రకటనకోసం ఆమెకు ఏకంగా రెండు కోట్లు ఆఫర్‌ ఇచ్చింది. కాని రెండో మాటలేకుండా వద్దుపొమ్మంది..ఎందుకు? అలాంటి ప్రకటనలకు తన మనస్సాక్షి అంగీకరించట్లేదని, ఓ సెలబ్రిటిగా యువతకు తప్పుడు సందేశం ఇవ్వటం ఇష్టంలేదని తిరస్కరించానంది! 

కమల్ హాసన్ లంచగిండితనం పై ఎక్కుపెట్టిన బాణం 'భారతీయుడు'. శంకర్ దర్శకత్వంలో ఎంఎం రత్నం నిర్మించిన భారతీయుడు సినిమా 1996 లో దేశవ్యాప్తంగా రిలీజైంది. ఇప్పుడు మళ్లీ భారతీయుడు సినిమా సీక్వెల్ చేయడానికి చిత్ర యూనిట్ సన్నాహాలు చేస్తుంన్నట్లు సమాచారం. ప్రస్తుతం కమల్, శంకర్ తమ తమ ప్రాజెక్ట్స్ లో బిజీబిజీ. అందుకని ఈ ప్రాజెక్ట్ నెక్స్ట్ ఇయర్ పట్టాలెక్కనునదట. ఈ విషయంపై నిర్మాత ఎంఎం రత్నం మాట్లాడుతూ...  'భారతీయుడు' చిత్రానికి సీక్వెల్ చేసే ఆలోచన ఉందని, దీనిపై ఇప్పటికే తాను కమల్ హాసన్, శంకర్ లతో మాట్లాడినట్లు చెప్పారు. ఈ చిత్రాన్ని తెలుగు తమిళంలో చేయాలను కుంటున్నట్లు...త్వరలోనే ఈసినిమాపై అన్ని విషయాల్ని అధికారికంగా వెల్లడించనున్నట్లు తెలిపారు. భారతీయుడు సినిమా భారీ లాభలతో పాటు బెస్ట్ ఫారిన్ లాంగ్వేజ్ చిత్రంగా ఆస్కార్ అకాడెమీ అవార్డులకు కూడా నామినేట్ అయింది. మళ్ళీ రెండు దశాబ్ధాల తర్వాత వీరి కాంబినేషలో సినిమా రూపొందనున్నదన్నమాట.

బాలీవుడ్‌ శృంగారతార సన్నీలియోన్‌పై ఎఫ్‌ఐఆర్‌ నమోదైంది. జైపూర్‌లో జైన్‌ అనే వ్యక్తి ఓ బాలీవుడ్‌ మేగజీన్‌ కొన్నారు. అందులో సన్నీలియోన్‌ హాట్‌ ఫోటోలతో పాటు ఆ మేగజీన్‌ వెబ్‌ సైట్‌ అడ్రస్‌ ఇచ్చారు. గూగుల్‌ సెర్చ్‌లో ఆమె ఫోటోల కోసం వెతకగా, అందులో సన్నీ అశ్లీల వీడియోలు దర్శనమిచ్చాయి. దీంతో  మహిళల గౌరవానికి భంగం కలిగిందని ఆరోపిస్తూ పోలీసులకు ఫిర్యాదు చేశారు. దీంతో ఆమెపై సెక్షన్‌ 292, 292 ఏ, 294 కింద కేసులు నమోదు చేశారు. అటు సన్నీతోపాటు గూగుల్‌లో వీడియోలు అప్‌లోడ్‌ చేసినందుకు గూగుల్‌ సీఈవో లారీపేజ్‌, మేగజీన్‌ యజమానిపై కూడా కేసులు నమోదు చేశారు. ఈ కేసులో నేరం రుజువైతే సన్నీకి గరిష్ఠంగా ఐదేళ్ల జైలు శిక్ష, పది లక్షల జరిమానా పడే అవకాశం ఉందని న్యాయ నిపుణులు చెబుతున్నారు.

పెళ్లైన తర్వాత హీరోయిన్స్ ఎక్కువగా ఆంటీ, అక్క పాత్రలకు షిఫ్టైపోతుంటారు. కానీ పెళ్ళి తర్వాత కూడా ఏమాత్రం క్రేజీ తగ్గకుండా ఉన్న హీరోయిన్స్ కరీనా కపూర్, ఐశ్వర్యరాయ్ లు. ఐష్ ఒక పాపకు తల్లైన తర్వాత తిరిగి సినిమాల్లో పునరాగమనం చేసింది. ఇటీవలే జరిగిన కేన్స్ చిత్రోత్సవాల్లో తన వన్నె తరగని అందంతో రెడ్ కార్పెట్ పై హొయలొలికించింది. ఐష్ నటిస్తున్న జాజ్‌బా చిత్రం తాలూకు ఫస్ట్‌లుక్‌ను కేన్స్ ఫిలిం ఫెస్టివల్‌లో విడుదల చేశారు. ఈ సందర్భంగా.... ఐశ్వర్య మాట్లాడుతూ... ఈ ఏడాది మరో రెండు చిత్ర్రాలతో ప్రేక్షకుల ముందుకొస్తానని చెప్పింది. ఒకటి కరణ్ జోహార్ దర్శకత్వంలో రూపొందుతున్న యే దిల్ హై ముష్కిల్ కాగా మరొకటి కహానీ చిత్ర దర్శకుడు సుజయ్ ఘోష్ రూపొందిస్తున్న లేడీ ఓరియెంటెడ్ సినిమా అని తెలిపింది. అంతేకాక హీరోయిన్ గానే కాదు మంచి చిత్రాల్లో మంచి పాత్రలైతే...అతిధి పాత్రల్లో కనిపించడానికైనా రెడీ అని తెలిపింది.



తెలంగాణ తొలి ఎంసెట్ ఫలితాలు రిలీజయ్యాయి. ఇంజనీరింగ్‌లో అబ్బాయిలు.. మెడిసిన్‌లో అమ్మాయిలు టాప్ ర్యాంకులు సాధించారు. రేపటి నుంచి OMR షీట్స్ డౌన్ లోడ్ చేసుకునే అవకాశం కల్పించారు. వచ్చే నెల 18 నుంచి ఇంజనీరింగ్ కౌన్సెలింగ్ ప్రారంభం కానుంది. డిప్యూటీ సీఎం కడియం శ్రీహరి జేఎన్టీయూ హెచ్‌లో తెలంగాణ తొలి ఎంసెట్ ఫలితాలను విడుదల చేశారు. ఉన్నతవిద్యాశాఖకు చెందిన పలువురు అధికారులు ఇందులో పాల్గొన్నారు.

ఇంజనీరింగ్ విభాగంలో 70.65 శాతం ఉత్తీర్ణత నమోదైంది. ఇక మెడిసిన్ విభాగంలో 85.98 శాతం మంది  విద్యార్థులు క్వాలిఫై అయ్యారు. అతితక్కువ కాలంలో పకడ్బందీగా ఎగ్జామ్‌ను నిర్వహించి ఫలితాలు వెల్లడించిన సిబ్బందిని డిప్యూటీ సీఎం అభినందించారు.  ఈ నెల 29  నుంచి ఓఎంఆర్ షీట్స్ డౌన్ లోడ్ చేసుకునే సదుపాయం కల్పించినట్లు కడియం తెలిపారు.

ఇంజనీరింగ్ లో అబ్బాయిలు.. మెడిసిన్ లో అమ్మాయిలు టాప్ ర్యాంకులు సాధించి సత్తా చాటారు. ఇంజనీరింగ్ లో రంగారెడ్డి జిల్లాకు చెందిన సాయి సందీప్... 160 మార్కులకు 157 మార్కులు సాధించి ఫస్ట్ ర్యాంక్ సొంతం చేసుకున్నాడు. రంగారెడ్డికి చెందిన నిహార్ చంద్ర 156 మార్కులతో రెండో ర్యాంక్...విజయనగరం జిల్లాకు చెందిన కీర్తన 155 మార్కులతో మూడో ర్యాంక్ సాధించారు. రంగారెడ్డి జిల్లాకు చెందిన సాయితేజ 155 మార్కులతో నాలుగో ర్యాంక్....అదే జిల్లాకు చెందిన హేమంత్ రెడ్డి 154మార్కులతో అయిదో ర్యాంక్ అందుకున్నారు.

ఇక  మెడిసిన్ లో ప్రకాశం జిల్లాకు చెందిన ఉప్పలపాటి ప్రియాంక...160 మార్కులకు...160 మార్కులు సాధించి టాపర్ గా నిలిచింది. హైదరాబాద్ కు చెందిన శ్రీ విధుల్ 159 మార్కులతో రెండోర్యాంక్....నల్గొండకు చెందిన అనూహ్య 159 మార్కులతో మూడో ర్యాంక్ సాధించారు. విశాఖపట్నంకు చెందిన సాయితేజ 158 మార్కులతో నాలుగోర్యాంక్...వరంగల్ జిల్లాకు చెందిన సాయితేజరెడ్డి 158 మార్కులతో ఐదోర్యాంక్ సొంతం చేసుకున్నారు....

రిజల్ట్స్ తో పాటే ఇంజనీరింగ్ కౌన్సిలింగ్ షెడ్యూల్‌ను సైతం డిప్యూటీ సీఎం కడియం ప్రకటించారు. జూన్ 18 నుంచి 24 వరకు సర్టిఫికెట్ల వెరిఫికేషన్...20 నుంచి 26 వరకు ఆప్షన్లు ఎంచుకునే సదుపాయం ఉంటుందన్నారు. జులై 9 నుండి10 వరకు ఫైనల్ ఫేజ్ సర్టిఫికెట్ల వెరిఫికేషన్... జులై 14న ఇంజనీరింగ్ సీట్ల కేటాయింపు, జులై 15 నుండి 20 వరకు కాలేజీల్లో ప్రవేశాలు జరుగుతాయని తెలిపారు. జులై 21 నుంచి ఇంజనీరింగ్ క్లాసులు ప్రారంభమవుతాయని వెల్లడించారు.

నాణ్యతా రహిత విద్యా ప్రమాణాల వలన చాలా కాలేజీలు మూసేస్తున్నారు. ఇలాంటి సమయాల్లో వరల్డ్‌ క్లాస్‌ విద్యను అందజేస్తూ స్థాపించబడి నాలుగు సంవత్సరాల్లో 2400 మంది పైగా స్టూడెంట్స్‌తో విజయవంతంగా నడుపుతున్న శ్రేయాస్‌ ఇన్‌స్టిట్యూట్‌ ఆఫ్‌ ఇంజినీరింగ్‌ అండ్‌ టెక్నాలజీ 240 మంది విద్యార్థులతో మొదలై సంవత్సరంలో 660 విద్యార్థులను ఇన్‌ టేక్‌ తీసుకుంటూ ప్రతి ఒక్క విద్యార్థికి ప్లేస్‌మెంట్‌ అందించేలా ట్రైనింగ్‌ ఇస్తున్న శ్రేయాస్‌...తెలంగాణ ఎంసెట్‌ రిజల్ట్స్‌ వచ్చిన సందర్భంగా మనతో చర్చించేందుకు శ్రేయాస్‌ ఇంజినీరింగ్‌ కళాశాల ప్రిన్సిపాల్‌ సురేశ్‌ అకేలా ప్లేస్‌మెంట్‌ టీమ్‌ మెంబర్‌ సురేఖ ఫోర్త్‌ ఇయర్‌ పాసవుట్‌ స్టూడెంట్‌ కిరణ్‌కుమార్‌ మనతో ఉన్నారు.



NRI Edition
AP News
Telangana News
Nijam
Pata
Relax
Sports
Daily Specials