ప్రభుత్వంలో ఆర్టీసీ విలీనానికి మొదటి గేర్..

‌ఏపీఎస్‌ ఆర్టీసీ కార్మికులకు సీఎం జగన్ ఇచ్చిన హామీలో తొలి అడుగు పడింది. ఆర్టీసీని ప్రభుత్వంలో విలీనం చేయడంపై కమిటీ వేసింది ప్రభుత్వం. రిటైర్డ్‌ ఐపీఎస్‌ అధికారి ఆంజనేయరెడ్డి చైర్మన్‌గా ఆరుగురు సభ్యులతో ఈ అధ్యయన కమిటీ ఏర్పాటయ్యింది. ఈ మేరకు ఉత్తర్వులు జారీ చేశారు. ఇందులో సభ్యులుగా ఆర్‌ అండ్‌ బి ముఖ్యకార్యదర్శి, ఆర్టీసీ ఎండీ, ఆర్థిక కార్యదర్శి, ఆర్టీసీ ఈడీ, రిటైర్డ్‌ ఇంజినీర్‌ సుదర్శనం ఉన్నారు. ఆర్టీసీ విలీనానికి సంబందించి విధివిధానాల రూపకల్పన, సమస్యలు – వాటి పరిష్కారం, కార్మికుల ఆర్థిక పరమైన సమస్యలపై అధ్యయనం చేస్తుంది.

మరోవైపు… ఆర్టీసీలో ఎలక్ట్రిక్‌ బస్సులను ప్రవేశపెట్టడంపై నలుగురు సభ్యులతో కూడిన మరో కమిటిలో వేశారు. భారత పునరుత్పాదక శక్తి అభివృద్ధి సంస్థ మాజీ ఎండీ భక్తవత్సలం ఈ కమిటీకి నేతృత్వం వహిస్తారు. ఆర్టీసీలో ఎలక్ట్రిక్ ‌బస్సుల్ని ప్రవేశ పెట్ అంశాలపై సాధ్యాసాధ్యాలు, బ్యాంకులకు ఆర్టీసీ ఉన్న అప్పుల పరిష్కారంపై ఈ కమిటీ అధ్యయనం చేస్తుంది. ఆర్టీసీని ప్రభుత్వంలో విలీనం చేసే ప్రక్రియ ప్రారంభమైనందుకు ఆనందం వ్యక్తం చేశారు జేఏసీ నేతలు. ప్రభుత్వం తీసుకున్న ఈ చర్యను స్వాగతిస్తున్నామన్నారు. ఈ రెండు కమిటీలు మూడు నెలల్లో రిపోర్ట్‌ ఇవ్వనున్నాయి. ఈ నివేదికల ఆధారంగా.. ఆర్టీసీ విలీనంపై ప్రభుత్వం నిర్ణయం తీసుకోనుంది.

Recommended For You

Leave a Reply

Your email address will not be published. Required fields are marked *