కారు అద్దెకు తీసుకున్న ఇద్దరు వ్యక్తులు.. సీటు కింద 300 సెల్‌ఫోన్లు..

కృష్ణా జిల్లా జగ్గయ్యపేటలో సెల్‌ఫోన్‌ దొంగల ముఠాను అరెస్టు చేశారు పోలీసులు. వాళ్ల దగ్గర నుంచి 300 సెల్‌ఫోన్లు స్వాధీనం చేసుకున్నారు. వైజాగ్‌లో సాయిరాం, అభి అనే ఇద్దరు వ్యక్తులు కారును లోకల్‌గా అద్దెకు తీసుకున్నారు. ఐతే.. వీళ్లు విజయవాడ దాటి వెళ్తున్నట్టు GPS ద్వారా గుర్తించిన యజమాని అక్కడున్న తన బంధువులకు సమాచారం ఇచ్చాడు. ఇంతలో కారు జగ్గయ్యపేట సమీపంలోని ఓ హోటల్‌లో ఆగినట్టు తెలుసుకుని.. మళ్లీ అది తిరిగి స్టార్ట్ కాకుండా జీపీఎస్ ద్వారానే నియంత్రించాడు. ఇది తెలియని దొంగలిద్దరూ కారు ఎందుకు స్టార్ట్ అవడం లేదో తెలియక దాన్ని రిపేర్ చేసేందుకు ప్రయత్నించారు. ఇంతలోనే అక్కడికి చేరుకున్న పోలీసులు ఇద్దరినీ అరెస్టు చేసి స్టేషన్‌కు తరలించారు. అక్కడి నుంచి సాయిరాం పారిపోయేందుకు ప్రయత్నించడంతో పోలీసులకు అనుమానం వచ్చింది. కారును పూర్తిగా తనిఖీ చేయగా.. సీటు కింద దాచిన 300 సెల్‌ఫోన్లు బయటపడ్డాయి. వీటి విలువ రూ. 30 లక్షలు ఉంటుందని చెప్తున్నారు. ఇవన్నీ చోరీ చేసిన మొబైల్సేనని.. సెకండ్‌హ్యాండ్ మార్కెట్‌‌లో అమ్మేందుకు తీసుకెళ్తున్నారని వివరించారు.

TV5 News

Leave a Reply

Your email address will not be published.

Next Post

పాకిస్తాన్‌కు బ్రిటన్‌ హైకోర్టు షాక్‌

Thu Oct 3 , 2019
బ్రిటన్ హైకోర్టు పాకిస్తాన్‌కు షాకిచ్చింది. నిజాం సొమ్ము భారత్‌దేనంటూ తీర్పు ఇచ్చింది. బ్రిటన్ బ్యాంకులో దశాబ్దాలుగా మూలుగుతున్న నిజాం సొమ్ముపై ఎట్టకేలకు తుది తీర్పు వెల్లడించింది. భారత్, పాకిస్తాన్ మధ్య కొన్నేళ్లుగా నెలకొన్న సుదీర్ఘ వివాదానికి ఫుల్‌స్టాప్ పెట్టింది. ఆ నిధులు నిజాం వారసులకే చెందుతాయని జస్టిస్ మార్కస్ స్మిత్ తీర్పు చెప్పారు. ఈ నిధుల్ని భారత్‌కు చెల్లించేందుకు ఏర్పాట్లు చేయాలని బ్యాంకు అధికారులను ఆదేశించారు. ఆ నిధులు ఆయుధ […]