ఐసీసీ కంటే ముందే బౌండరీ రూల్‌ను మార్చేసిన..

ఐసీసీ బౌండరీ రూల్ మారబోతోంది. బౌండరీ రూల్ స్థానంలో సూపర్ ఓవర్‌ను పొడిగించనున్నారు. మ్యాచ్ టై ఐతే విజేతను తేల్చడానికి మరికొన్ని ఓవర్లు ఆడించాలని ఐసీసీ భావిస్తోంది. ఇప్పటి వరకు సూపర్ ఓవర్‌లో ఎవరు ఎక్కువ పరుగులు చేస్తే వాళ్లనే గెలిచినట్లు ప్రకటించేవారు. సూపర్ ఓవర్‌లో కూడా పరుగులు సమానంగా వస్తే బౌండరీల ఆధారంగా విన్నర్‌ను తేల్చేవారు. ఈ బౌండరీ రూల్‌పై విమర్శలు వెల్లువెత్తడంతో ఐసీసీ దిద్దుబాటు చర్యలు చేపట్టింది. బౌండరీ రూల్ మార్చి, సూపర్ ఓవర్‌ను పొడిగించడంపై త్వరలో ఐసీసీ నిర్ణయం తీసుకుంది. ఐతే, ఐసీసీ కంటే ముందుగానే క్రికెట్ ఆస్ట్రేలియా నిర్ణయం తీసేసుకుంది. బౌండరీ రూల్‌ను సీఏ మార్చేసింది. ఆసీస్‌లో నిర్వహించే ప్రతిష్టాత్మక బిగ్ బాష్ లీగ్‌ లేటెస్ట్ సీజన్‌లో ఈ నిర్ణయాన్ని అమలు చేయనున్నారు.

ఇటీవలి వరల్డ్‌కప్‌ ఫైనల్ మ్యాచ్‌పై వివాదం చెలరేగింది. ఇంగ్లండ్-న్యూజీలాండ్ మధ్య జరిగిన తుది పోరులో బౌండరీల ఆధారంగా ఇంగ్లండ్‌ను విశ్వ విజేతగా ప్రకటించారు. సూపర్‌ ఓవర్‌లో పరుగులు సమం కావడంతో బౌండరీల లెక్కింపుతో ఇంగ్లండ్‌ విజేతగా నిర్ణయించారు. ఈ రూల్‌పై విమర్శలు వెల్లువెత్తాయి. సిక్సర్ కంటే బౌండరీకే విలువ ఎక్కువా, ఇదేం పద్దతి అని క్రికెట్ అభిమానులు, విశ్లేషకులు మండిపడ్డారు. అన్ని వర్గాల నుంచి విమర్శలు వెల్లువెత్తడంతో బౌండరీ రూల్‌ను మార్చడంపై ఐసీసీ దృష్టి సారించింది.

Also watch :

TV5 News

Leave a Reply

Your email address will not be published.

Next Post

వావ్ సానియా మమ్మీ.. 4 నెలల్లో 26 కేజీలు.. జిమ్ వీడియో

Wed Sep 25 , 2019
అమ్మ కావాలంటే అమ్మ పెట్టినవన్నీ తినాలి. డాక్టర్ చెప్పినట్లు చెయ్యాలి. అప్పుడే పుట్టే బిడ్డ ఆరోగ్యంగా ఉంటుంది. గర్భధారణ సమయంలో బరువు విపరీతంగా పెరిగిపోతుంటారు. డెలివరీ అయిన తరువాత పాలిచ్చే క్రమంలో శరీరంపై శ్రద్ధ పెట్టే అవకాశం ఉండదు. మరి అలానే వదిలేస్తే అనుకున్న లక్ష్యం నెరవేరదు. అందుకే అమ్మ జిమ్ముల్లో కసరత్తులు చేస్తుంది. అంతర్జాతీయ టోర్నీల్లో పాల్గొనేందుకు తనని తాను సమాయత్తం చేసుకుంటోంది భారత టెన్నిస్ క్రీడాకారిణి సానియా […]