ఆమె ఫొటో నా పర్సులో.. బాలీవుడ్ బ్యూటీపై కన్నేసిన పాక్ క్రికెటర్

సినిమా తారలు క్రికెటర్ల మనసుల్ని దోచేస్తుంటారు. బాలీవుడ్ ఇండస్ట్రీకి, క్రికెట్‌కి అవినాభావ సంబంధం ఉంది. భారతీయ క్రికెటర్లే కాదండోయ్.. పొరుగుదేశమైన పాకిస్తాన్ క్రికెటర్ గుండెల్లో గుబులు పుట్టించిందట బాలీవుడ్ బ్యూటీ సోనాలీ బింద్రే. హీరో హీరోయిన్లకు భారీ ఫాలోయింగ్ ఉన్న పాకిస్తాన్‌లో క్రికెటర్ షోయబ్ అక్తర్‌ ముద్దుగుమ్మ సోనాలీ బింద్రే అంటే చచ్చేంత ఇష్టమట. ఎప్పుడూ తన పర్సులో సోనాలీ ఫొటో పెట్టుకుని తిరుగుతుండేవాడట. ఒకప్పుడు ఆమెకు తన మనసులోని మాటను చెప్పాలనుకున్నానని.. ఒకవేళ ఆమె ఒప్పుకోకపోతే కిడ్నాప్ చేయాలనుకున్నానని చమత్కరించాడు షోయబ్. తెలుగులో నవ మన్మధుడు నాగార్జునతో, మెగాస్టార్ చిరుతో, మహేష్ బాబుతో రొమాన్స్ చేసిన ఈ భామ టాలీవుడ్ ప్రేక్షకులకు కూడా బాగానే దగ్గరైంది. సినిమాలకు దూరంగా ఉన్న సోనాలీ ప్రస్తుతం క్యాన్సర్ బారిన పడి ఇంగ్లాండ్‌లో చికిత్స చేయించుకుని ఈ మధ్యనే ఇండియాకు వచ్చింది.