తొలిచూపులోనే తాళి కట్టిన..


‘చూసీ చూడంగానే నచ్చేశావే.. అడిగీ అడగకుండా వచ్చేశావే’.. అంటూ ఓ సినీ గేయరచయిత చెప్పినట్టు.. ఎవరిని చూస్తే గుండె వేగంగాకొట్టుకుంటుందో.. ఎవరితో మాట్లాడుతుంటే ప్రపంచమే మర్చిపోయాలే అనిపిస్తుందో.. కొంతమంది దాన్నే తొలిచూపు ప్రేమ అంటారు. మరికొంత మంది స్టయిల్‌గా ‘లవ్ యట్ ఫస్ట్ సైట్’ అని చెబుతుంటారు.

మరి లవ్ యట్ ఫస్ట్ సైట్‌లోనే ప్రేమ పుట్టిందంటూ అమ్మాయికి అబ్బాయి చెప్పి ఒప్పించినా.. పెళ్లి చేసుకోవటం మాత్రం కొంత ఆలస్యం అవుతుంది. కానీ ఓ జంటకు మాత్రం ప్రేమతో పాటు పెళ్లి కూడా చకాచకా జరిగిపోయింది. ఆ అమ్మాయిని అతడు తొలిసారి చూడడం, పెళ్లికి ప్రపోజ్ చేయడం, ఆమె ఓకే అనడం.. అంతా ఓ ఫీల్‌గుడ్ మూవీ లవ్‌ స్టోరీలా సాగిన ఈ ఘటన కోల్‌కతాలో చోటుచేసుకుంది.

హింద్‌ మోటార్ ప్రాంతానికి చెందిన సుదీప్ ఘోషల్‌కి షియోరాఫూలికి చెందిన ప్రతమా బెనర్జీ సోషల్ మీడియా ద్వారా పరిచయం అయింది. మూడు నెలలుగా వీళ్లిద్దరూ సోషల్ మీడియాలో చాటింగ్ చేసుకుంటున్నారు. ప్రతమా తన ఫ్రెండ్స్‌తో కలిసి కోల్‌కతా వచ్చిన సంగతి తెలియడంతో.. తనను కలుసుకోవాలంటూ సుదీప్ మెసేజ్ చేశాడు. దుర్గాష్టమి సందర్భంగా సంతోష్ మిత్రా స్క్వేర్ పూజా మండపం దగ్గర వీళ్లిద్దరూ అనుకోకుండా కలుసుకున్నారు. ఆమెను చూసిన సుదీప్ లవ్ యట్ ఫస్ట్ సైట్‌లోనే ప్రేమ పుట్టిందంటూ అక్కడికక్కడే మోకాళ్లపై నిలబడి ప్రపోజ్ చేశాడు. వెంటనే అతని ప్రేమకు ఆమె గ్రీన్ సిగ్నల్ ఇచ్చింది. ఫ్రెండ్స్ అంతా ప్రోత్సహించడంతో అదే రోజు రాత్రి వీళ్లిద్దరూ వివాహానికి సిద్ధమయ్యారు. ప్రస్తుతం సుదీప్ ఫార్మాసూటికల్ ఎగ్జిక్యూటివ్‌‌గా చేస్తున్నాడు. ఇక ప్రతమా ఓ బ్యూటీ పార్లర్ నిర్వహిస్తోంది. వధూవరులిద్దరి తరపు కుటుంబాలు వీరి పెళ్లిని సంతోషంగా అంగీకరించడంతో అదే రోజు అర్థరాత్రి పెళ్లిబాజాలు మోగాయి.

 

TV5 News

Next Post

వెల్లుల్లితో బరువు తేలిగ్గా..

Fri Oct 11 , 2019
ఆహా ఏమి రుచి అనరా మైమరచి.. అల్లం వెల్లుల్లి వేస్తే కూరకి ఆ టేస్టే వేరు. వెల్లుల్లి కూరకి రుచితో పాటు, ఆరోగ్యాన్నీ అందిస్తుంది. ముఖ్యంగా గుండెకి సంబంధించిన వ్యాధులను నివారిస్తుంది. వెల్లుల్లిలో ఉన్న యాంటీ ఇన్ఫమేటరీ లక్షణాలు, రోగ నిరోధక శక్తిని పెంపొందించే లక్షణాలు ఎక్కువగా ఉంటాయి. గుండెజబ్బులను, కీళ్ల నొప్పుల సమస్యలను నివారించడంలో వెల్లుల్లి కీలక పాత్ర పోషిస్తుంది. వెల్లుల్లిలో ఉన్న మరో మంచి గుణం కొవ్వును […]