లోయలో పడిన టెంపో.. ఏడుగురు దుర్మరణం

తూర్పు గోదావరి జిల్లాలో ఘోర రోడ్డు ప్రమాదం జరిగింది. మారేడుమిల్లి-చింతూరు ఘాట్‌ రోడ్డులో అదుపు తప్పిన ఓ ప్రైవేట్ ట్రావెల్స్‌ టెంపో లోయలో పడింది. ఈ ఘటనలో 7 మంది దుర్మరణం పాలయ్యారు. ఐదుగురుకి గాయాలయ్యాయి. క్షతగాత్రులను రంపచోడవరం ప్రభుత్వాసుపత్రికి తరలించారు. మృతుల్లో రుద్రాక్షమ్మ, శ్రీనివాస్‌, వాణి , రమేష్‌, గాయత్రమ్మ, రామలక్ష్మి, గీతాలక్ష్మీలుగా గుర్తించారు.

భద్రాచలం నుంచి రాజమండ్రికి వస్తుండగా ఈ ప్రమాదం చోటు చేసుకుంది. మారేడుమిల్లి అటవీ ప్రాంతంలో ప్రమాదం జరగడంతో.. అక్కడ టెలిఫోన్ కమ్యూనికేషన్‌ కూడా అందుబాటులో లేకుండా పోయింది. దీంతో సహాయక చర్యలు చేపట్టేందుకు మారేడుమిల్లి నుంచి అధికారులు ఘటనా స్థలానికి వెళ్లారు. ఈ టెంపోలో పర్యాటకులంతా.. కర్ణాటక రాష్ట్రం చిత్రదుర్గ జిల్లాలోని చెలికేరి గ్రామస్థులుగా పోలీసులు గుర్తించారు. రెండు టెంపోల్లో వీరు భద్రాచలం రాముడిని దర్శించుకున్న తర్వాత.. అన్నవరం బయలుదేరారు. అయితే.. ఈ సమయంలోనే వారు ప్రమాదానికి గురయ్యాయి. ప్రమాద సమయంలో.. టెంపోలో 12 మంది ప్రయాణికులు ఉన్నట్లు తెలుస్తోంది.

మారేడుమిల్లి – చింతూరు రహదారి లోయలు, గుట్టలతో చాలా ప్రమాదకరంగా ఉంటుంది. ఇటీవల కురిసిన భారీ వర్షాలతో ఈ మార్గం మరింత ప్రమాదకరంగా మారింది. దట్టమైన అటవీ ప్రాంతంలో ఉన్న ఈ మార్గంలో చాలా నైపుణ్యం ఉన్న డ్రైవర్లు మాత్రమే వాహనాలు నడుపుతుంటారు. కొత్తగా వచ్చేవారు ప్రమాదాలకు గురయ్యే అవకాశం ఉందంటున్నారు స్థానికులు.

TV5 News

Next Post

కాలేజ్‌లో ఇంజినీరింగ్ విద్యార్థిని ఆత్మహత్యాయత్నం

Tue Oct 15 , 2019
ఒంగోలు ట్రిపుల్ ఐటీ కాలేజ్‌ భవనంపై నుంచి దూకి ఓ విద్యార్థిని ఆత్మహత్యాయత్నం చేయడం కలకలం రేపింది. తీవ్ర గాయాలు కావడంతో ఆస్పత్రికి తరలించి చికిత్స అందిస్తున్నారు. కృష్ణా జిల్లాకు చెందిన లహరి ఇంజనీరింగ్ మొదటి సంవత్సరం చదువుతోంది. దసరా సెలవుల కోసం ఇంటికి వెళ్లి ఇటీవలే కాలేజ్‌కు వచ్చింది. ఇంటి నుంచి ఫోన్ వచ్చిన కాసేపటికే లహరి ఆత్మహత్యాయత్నం చేసిందని తెలుస్తోంది. లహరి ఎందుకు ఆత్మహత్యాయత్నం చేసిందనే దానిపై […]