వినాయక నిమజ్జనంలో విషాదం.. 13 మంది మృతి..
By - TV5 Telugu |13 Sep 2019 6:37 AM GMT
మధ్యప్రదేశ్లోని ఖట్లపురాలో విషాదం చోటుచేసుకుంది. గణేష్ నిమజ్జనం వేడుకల్లో పడవ బోల్తాపడి 13 మంది ప్రాణాలు కోల్పోయారు. ఆరుగురిని రెస్క్యూ టీమ్ కాపాడగా.. మరో ఐదుగురు గల్లంతయ్యారు. వీరి కోసం గాలింపు కొనసాగుతోంది. శుక్రవారం(13/09/2019) తెల్లవారుజామున ఘటన జరగడంతో.. సహాయ చర్యలకు ఇబ్బందులు ఎదురయ్యాయి. ప్రస్తుతం 40 మంది సాయంతో గాలింపు చర్యలు కొనసాగుతున్నాయి. ప్రమాదం జరిగినప్పుడు బోట్లో పరిమితికి మించి జనం ఉండడం వల్లే ఈ దుర్ఘటన జరిగినట్టు తెలుస్తోంది. ఈ ఘటనపై రాష్ట్ర ప్రభుత్వం దిగ్భ్రాంతి వ్యక్తం చేసింది. మృతుల కుటుంబాలకు 4 లక్షలు ఎక్స్గ్రేషియా ప్రకటించారు. అటు, ఈ విషాదంపై పూర్తిస్థాయి విచారణ జరిపి నివేదిక ఇవ్వాలని మధ్యప్రదేశ్ సీఎం కమల్నాథ్ ఆదేశించారు.
Next Story
© Copyright 2024 : tv5news.in. All Rights Reserved. Powered by hocalwire.com