బీజేపీలో చేరిన సినీ నటి నమిత
By - TV5 Telugu |30 Nov 2019 2:22 PM GMT
సినీ నటి నమిత బీజేపీ తీర్ధం పుచ్చుకున్నారు. ఢిల్లీలో బీజేపీ వర్కింగ్ ప్రెసిడెంట్ జయప్రకాశ్ నడ్డా సమక్షంలో శనివారం ఆమె పార్టీ కండువా కప్పుకున్నారు. ఆమెతో పాటు ఇతర పార్టీలకు చెందిన కొందరు నేతలు బీజేపీలో చేరారు. కాగా నమిత దక్షిణాదిన పలు భాషల్లో నటించిన విషయం తెలిసిందే. తెలుగులో సొంతం సినిమాతో సినీ ప్రస్థానాన్ని ప్రారంభించిన నమిత ఆ తరువాత జెమిని, బిల్లా, సింహా వంటి సినిమాలతో తెలుగు ప్రేక్షకులను అలరించారు.
గతకొంత కాలంగా ఆమెకు అవకాశాలు తగ్గడంతో.. సినిమాలకు దూరంగా ఉంటున్నారు. ఈ క్రమంలో రాజకీయాల వైపు అడుగులు వేశారు. ఎన్నికలకుముందే బీజేపీలో చేరుతారని అంతా భావించారు, ఆమె తమిళనాడులో బీజేపీ తరఫున లోక్ సభ ఎన్నికల్లో బరిలోకి దిగుతారని అప్పట్లో ప్రచారం జరిగింది.
Next Story
© Copyright 2024 : tv5news.in. All Rights Reserved. Powered by hocalwire.com