భారత్‌లో కరోనా వ్యాప్తి పెరగలేదు.. భారీగా తగ్గింది.. లెక్కలతో సహా వచ్చిన నివేదిక

భారత్‌లో కరోనా ఉదృతి రోజు రోజుకు పెరుగుతోంది. కొత్తగా నమోదవుతున్న కేసులు సంఖ్య ప్రతీరోజు పెరుగుతూపోతుంది. ఈ నేపథ్యంలో అమెరికాలోని మిచిగన్ యూనివర్సిటీ భారత్ లో కరోనా ప్రభావంపై చేసిన అద్యాయనం ఆసక్తికర అంశాలు బయటపడ్డాయి. భారత్ లో కేసులు పెరుగుతున్నప్పటికీ.. లాక్‌డౌన్ వలన ఈ మహమ్మారిని కట్టడి చేయడంలో చాలా వరకు సఫలమయ్యారని అన్నారు. లాక్‌డౌన్‌తో 60శాతం వరకూ కరోనా వ్యాప్తి తగ్గిందని తేల్చింది. కరోనా వ్యాప్తి వేగాన్ని కనిపెట్టడానికి ఆర్ నాట్(R0) అనే ఒక ముఖ్యమైన ప్రాతిపదిక ఆధారంగా పరిశోధన చేస్తారు. ఈ ఆర్ నాట్(R0) అనేది ఒక వ్యక్తి నుండి కరోనా ఎంత మందికి సోకింది అనే ఒక సంఖ్యను సూచిస్తుంది. లాక్‌డౌన్ విధించే నాటికి అంటే.. మే24 నాటికి ఈ విలువ 3.36గా ఉంది. అయితే.. తరువాత అది తగ్గుతూ ఏప్రిల్ 14 నాటికి 1.71గా.. మే 3 నాటికి ఇది 1.46కి.. చివరికి మే16 నాటికి బారీగా తగ్గి 1.27కు చేరుకుందని ఈ అధ్యాయంలో తేలింది. అంటే.. లాక్‌డౌన్ విధించే నాటికి సగటున ఒకరి నుంచి 3.36 మందికి కరోనా సోకగా.. లాక్‌డౌన్ 3.0 నాటికి ఒకరి నుంచి 1.27 మందికి మాత్రమే సోకిందని.. భారీగా కరోనా వ్యాప్తి తగ్గిందని తేలింది.

Recommended For You