అమెరికాలో విదేశీ విద్యార్థులకు షాక్.. 10 లక్షల మంది వెనక్కే..!

అమెరికా అధ్యక్షుడు డోనాల్డ్ ట్రంప్ విద్యార్థుల విషయంలో వివాదాస్పద నిరయం తీసుకున్నారు. ఆన్‌లైన్‌లో విద్యనభ్యసించే విద్యార్థులను తమ స్వదేశాలకు పంపించాలని యుఎస్ ఇమ్మిగ్రేషన్ అండ్ కస్టమ్ ఎన్‌ఫోర్స్‌మెంట్ విభాగం నిర్ణయించింది. కరోనావైరస్ వ్యాప్తిని తగ్గించే చర్యల్లో భాగంగా ఈ నిర్ణయం తీసుకున్నట్టు ఇమ్మిగ్రేషన్ అధికారులు వెల్లడించారు. ఈ నిర్ణయంతో అమెరికాలో ఉంటూ విద్యనభ్యసిస్తున్న విదేశీ విద్యార్థులలో టెన్షన్ మొదలయింది. ఆన్‌లైన్‌లో తరగతులకు మారిన విద్యార్థులు తమ దేశానికి తిరిగి వెళ్లాల్సి ఉంటుందని ట్రంప్ ప్రభుత్వం నిర్ణయానికి మొత్తం పది లక్షల మంది విద్యార్థులు ప్రభావితం కానున్నారు.

వారిలో 2 లక్షలకు పైగా భారతీయులు ఉన్నారు. చాలా మంది విద్యార్థులు చైనా నుండి వచ్చారు. ఆ తరువాత భారతీయులు ఉన్నారు. అమెరికాలో గ్రాడ్యుయేషన్ లేదా పోస్ట్ గ్రాడ్యుయేషన్ కోసం విద్యార్థులకు ఎఫ్ -1 మరియు ఎం -1 కేటగిరీ వీసాలు జారీ చేస్తారు. ఇప్పుడు ఈ వీసాలను ఉపసంహరించుకుంది. ఈ వీసా కలిగిన విద్యార్థులు ప్రస్తుతానికి అమెరికాలో నివసించలేరని.. తమ స్వదేశాలకు వెళ్లిపోవాలని.. లేదంటే చట్టపరమైన చర్యలను ఎదుర్కోవలసి ఉంటుందని తెలిపారు.

కరోనా అంటువ్యాధి కారణంగా, అమెరికన్ కళాశాలలు మరియు విశ్వవిద్యాలయాల్లో ఇంకా సెమిస్టర్ ప్రణాళికను విడుదల కాలేదు. అయితే అధ్యయనాల కోసం వివిధ పద్ధతులను ఉపయోగిస్తున్నారు. హార్వర్డ్ విశ్వవిద్యాలయం తన తరగతులన్నింటినీ ఆన్‌లైన్‌లో నిర్వహిస్తోంది. 40% అండర్ గ్రాడ్యుయేట్ విద్యార్థులను మాత్రమే క్యాంపస్‌కు రావడానికి అనుమతించారు. అయితే ఇందులో కూడా తగ్గించే సూచనలు కనిపిస్తున్నాయి.

కాగా 2018-19 సంవత్సరానికి అమెరికాలో విద్య కోసం మొత్తం 1 మిలియన్ మంది విదేశీ విద్యార్థులు వీసాలు తీసుకున్నారు. యుఎస్‌లో ఉన్నత చదువుతున్న వారిలో విదేశీయులు 5.5% మంది ఉన్నారు. 2018 లో, అమెరికా.. విదేశీ విద్యార్థుల నుండి 7447 మిలియన్ల ఆదాయం పొందింది. ఇందులో చాలా మంది విద్యార్థులు చైనాకు చెందినవారు కాగా. దాని తరువాత భారత్, దక్షిణ కొరియా, సౌదీ అరేబియా మరియు కెనడా నుంచి ఉన్నారు. 2018-19లో భారతదేశం నుండి రెండు లక్షలకు పైగా విద్యార్థులు అమెరికా వెళ్లారు. చైనా నుండి 3 లక్ష 69 వేల 548 మంది విద్యార్థులు వెళ్లారు.