ప్రభుత్వ , ప్రైవేటు ఆస్పత్రుల్లో బెడ్ల వివరాలు తెలుసుకునేందుకు కొత్త యాప్

దేశవ్యాప్తంగా కరోనా మహమ్మారి విజృంభిస్తుండటంతో అన్ని ఆసుపత్రులు రోగులతో నిండిపోతున్నాయి. కొన్ని రాష్ట్రాల్లో అయితే బెడ్ల కొరత తీవ్రంగా ఉంది. ఈ నేపథ్యంలో Synk app సంస్థ సరికొత్త యాప్ ను అందుబాటులోకి తీసుకువచ్చింది. ఈ యాప్ ద్వారా ప్రభుత్వ, ప్రైవేటు ఆస్పత్రుల్లో ఎన్ని బెడ్లు ఉన్నాయో తెలుసుకోవచ్చని ఈ సంస్థ ప్రతినిధులు అంటున్నారు. ఆన్ లైన్ ద్వారా బెడ్ల పరిస్థితి ఐసీయూల వివరాలు తెలుస్తాయని అంటున్నారు. త్వరలో ఆరు రాష్ట్రాల్లో ఈ యాప్ అందుబాటులోకి రానుందని ఒక్కో రాష్ట్రానికి ఒక్కో అప్లికేషన్ ఇస్తామని అన్నారు. దీని ద్వారా ఎంతమంది రోగులు రికవరీ అయ్యారో కూడా తెలుస్తుందని ప్రభుత్వం అంగీకరిస్తే పూర్తి వివరాలు నివేదిస్తామని Synk app ప్రతిధులు అంటున్నారు.