Prashant Varma : హనుమాన్ చేసిన అద్భుతం.. ప్రశాంత్ వర్మ మరో ఇంట్రెస్టింగ్ పోస్ట్
హనుమాన్ మూవీ ఎంతప్రభంజనం సృష్టించిందో ప్రత్యేకంగా చెప్పాల్సిన పనిలేదు. చిన్న సినిమాగా రిలీజై... దాదాపు రూ.250కోట్లకు పైగా వసూలు చేసి ప్యాన్ ఇండియా లెవెళ్లో సంచలనం సృష్టించింది ఈ సినిమా. హీరో తేజ సజ్జ సూపర్ హీరోగా, అమృత అయ్యర్ హీరోయిన్ గా నటించిన ఈ సినిమా సీక్వెల్ జై హనుమాన్ పై భారీ అంచనాలు ఉన్నాయి. టాలెంటెడ్ ఫిల్మ్ మేకర్ ప్రశాంత్ వర్మ దీనిపై ఇంట్రస్టింగ్ అప్ డేట్స్ ఇస్తూనే ఉన్నారు.
ఈ సినిమా సాధించిన అఖండ విజయం ఇప్పుడు 100 రోజులు కంప్లీట్ చేసుకుంది. ఈ రోజుల్లో ఒక థియేటర్ లోనే 100 రోజులు ఓ సినిమా ఆడటం అనేది గగనం అయిపోయింది. అలాంటిది 25 సెంటర్స్ లో హనుమాను రన్ అయ్యి సంచలనం సృష్టించింది. అది కూడా హనుమాన్ జయంతి రోజున వంద రోజులు పూర్తికావడం అనేది ఓ అద్భుతంగా చెప్పుకోవచ్చు.
హనుమాన్ వందరోజుల వేడుకపై ప్రశాంత్ వర్మ స్పెషల్ ప్రెస్ మీట్ పెడుతున్నారు. దీనిపై ఇండస్ట్రీ బజ్ క్రియేట్ అయిఉంది. చాలామంది ఆయన ఏం చెబుతారా అని ఎదురుచూస్తున్నారు. 'జై హనుమాన్' అప్ డేట్స్ కోసం ఫ్యాన్స్ ఎదురుచూస్తున్నారు.
