Kantara : రిషబ్ శెట్టి సొంత ఊర్లోనే కాంతార కోసం భారీ సెట్

కాంతార (Kantara) మూవీ దేశ సినీ పరిశ్రమలో కన్నడ సీమ సృష్టించిన ఓ సంచలనం. 2022లో విడుదలైన 'కాంతార' దేశ వ్యాప్తంగా సంచలన విజయం సాధించింది. కన్నడ చిత్రసీమ ఖ్యాతిని విశ్వ వ్యాప్తం చేసింది. బాక్సాఫీసు దగ్గర ఈ చిత్రానికి తిరుగులేని వసూళ్లు దక్కాయి. ఇప్పుడు అందరి దృష్టీ 'కాంతార 2'పైనే.

2023లోనే సీక్వెల్ వస్తుందని మొదట తెలిపినప్పటికీ క్వాలిటీలో రాజీ పడటం లేదు మేకర్స్. సో మేకింగ్ కొంత లేట్ అవుతోంది. ఇప్పుడు ఈ సీక్వెల్ పట్టాలెక్కడానికి రంగం సిద్ధమైంది. వచ్చే నెలలో కాంతార 2 సెట్స్‌పైకి వెళ్తుందని చిత్రబృందం అధికారికంగా ప్రకటించింది. అయితే ఇది సీక్వెల్ కాదు. ప్రీక్వెల్. కాంతార కథ ఎక్కడైతే మొదలైందో, అంతకు ముందు జరిగిన సంఘటనలతో ఈ చిత్రాన్ని తీర్చిదిద్దుతున్నారు.

డివోషనల్ బ్లాక్ బస్టర్ 'కాంతార'తో పోలిస్తే.. 'కాంతార 2'లో రిషబ్ శెట్టి పాత్ర వినూత్నంగా ఉండబోతోందని తెలుస్తోంది. ఈ సినిమా కోసం రిషబ్ సొంతూరు కదిరిలో.. ఓ భారీ సెట్ తీర్చిదిద్దారు. అక్కడే సింహభాగం షూటింగ్ జరగబోతోంది. 'కాంతార 2'లో కొంతమంది బాలీవుడ్ నటీనటులు కనిపిస్తారని, కథానాయిక కూడా మారబోతోందన్న ప్రచారంలో వాస్తవం లేదంటోంది యూనిట్. దక్షిణాది నటులతోనే 'కాంతార 2'ని పూర్తి చేయనున్నారు.