Lok Sabha : లోక్‌సభ అభ్యర్థి గుండెపోటుతో మృతి, ఎన్నికలు వాయిదా
మధ్యప్రదేశ్‌లోని బేతుల్ నియోజకవర్గం నుంచి మాయావతికి చెందిన బహుజన్ సమాజ్ పార్టీ (బీఎస్పీ) లోక్‌సభ అభ్యర్థి అశోక్ భలవి గుండెపోటుతో మరణించినట్లు డీఎం నరేంద్ర కుమార్ సూర్యవంశీ ఏప్రిల్ 9న ప్రకటించారు. భాలవి మరణంతో ఏప్రిల్ 26న రెండో విడతలో ముందుగా షెడ్యూల్ చేసిన ఈ నియోజకవర్గంలో ఎన్నికలు వాయిదా పడ్డాయి.
పార్టీ ప్రకారం, భాలవికి ఛాతీ నొప్పి రావడంతో ఆసుపత్రికి వెళ్ళారు. అయితే వైద్యులు అతను చనిపోయినట్లు ప్రకటించారు. బీఎస్పీ అభ్యర్థి గుండెపోటుతో మరణించినట్లు బేతుల్ DM ధృవీకరించింది. ఈ విషయాన్ని ఎన్నికల కమిషన్‌కు తెలియజేసి, ఏప్రిల్ 26న జరగాల్సిన ఎన్నికలను వాయిదా వేసినట్లు తెలిపారు.
బీఎస్పీ నేతకు గుండెపోటు వచ్చిందని, ఆస్పత్రికి తీసుకొచ్చే సమయానికి చనిపోయాడని ప్రైవేట్ ఆస్పత్రిని నిర్వహిస్తున్న డాక్టర్ మనీష్ లష్కరే తెలిపారు. ప్రజాప్రాతినిధ్య చట్టంలోని నిబంధనల ప్రకారం ఎన్నికల ప్రక్రియను నిలిపివేసామని, భారత ఎన్నికల సంఘం ఆదేశాల మేరకు తదుపరి చర్యలు తీసుకుంటామని జిల్లా కలెక్టర్, రిటర్నింగ్ అధికారి నరేంద్ర సింగ్ రఘువంశీ తెలిపారు.
బేతుల్ నుండి భారతీయ జనతా పార్టీ (బీజీపీ) ప్రస్తుత ఎంపి దుర్గా దాస్ ఉయికే మరోసారి నియోజకవర్గం నుండి బరిలోకి దిగగా, కాంగ్రెస్ రామూ టేకంను రంగంలోకి దించింది. ఏప్రిల్ 26న టికామ్‌ఘర్, దామోహ్, ఖజురహో, సత్నా, రేవా, హోషంగాబాద్ స్థానాలతో పాటు రెండవ దశ లోక్‌సభ ఎన్నికలలో బేతుల్‌కు ఓటు వేయాల్సి ఉంది.
