Supreme court : ఇక రాయడాల్లేవ్
సుప్రీంకోర్టు డిజిటలైజేషన్ గా దిశగా మరో అడుగు వేసింది. ఇకపై పూర్తి పేపర్ లెస్ విధానం అమలు చేయనుంది. ఈ నేపథ్యంలో 50 ఏళ్ల సుప్రీంకోర్టు తీర్పు కాపీలను తొలగించింది.
42 రోజుల వేసవి సెలవులు ముగియడంతో నేటి నుంచి సుప్రీంకోర్టు పునఃప్రారంభం అయ్యింది. ఈ నేపథ్యంలో ఇకపై కోర్టు రూముల్లో అన్ని ఫైళ్లను డిజిటల్ మాధ్యమాల ద్వారా చూసే వెలుసుబాటు కల్పించినట్టుగా ప్రకటించింది. సాధారణంగా కోర్టు పనులన్నీ సినిమాల్లో చూసినట్టు నాలుగు రోజుల్లో రెండు మూడు కాగితాలు, ఓ సంతకం తో పూర్తయిపోతాయని అనుకుంటాం. కానీ ప్రాక్టికల్ గా చూస్తే అది నిజం కాదు కోర్ట్ అంటే కాగితాలు. కేసుని బట్టి పదుల సంఖ్యలో కాగితాలు. సంతకాల మీద సంతకాలు. ఇప్పుడు ఈ డిజిటలైజేషన్తో కాగితాల హడావిడి తగ్గిపోతుంది.. లాయర్లు, పిటిషన్ దారుల అందరూ తమ మొబైల్స్, టాబ్స్ లోనే కేసుల వివరాలు చూసుకోగలరు. ఇందుకోసం కోర్టు లాబీల్లో వైఫై సదుపాయాన్ని కల్పించనున్నారు. ఈ ప్రక్రియ లో భాగంగా సుప్రీం కోర్టు లోని మూడు కోర్టు రూముల్లో పూర్తిగా పేపర్ లెస్ విధానాన్ని తీసుకురానున్నారు. తరువాత ఇతర కోర్టు లకు కూడా విస్తరించునున్నారు. సుప్రీంకోర్టు 73 ఏళ్ల న్యాయవ్యవస్థ చరిత్రలోనే పూర్తిగా పేపర్‌లెస్‌గా మారడం ఇదే తొలిసారి.
