బతుకమ్మ వేడుకలను తలపించేలా తీజ్‌ పండగ సంబరాలు

బతుకమ్మ వేడుకలను తలపించేలా తీజ్‌ పండగ సంబరాలు

యాదాద్రి భువనగిరి జిల్లా గిరిజన తండాల్లో తీజ్‌ పండగ సంబరాలు అంబరాన్నంటాయి. సంప్రదాయ నృత్యాలతో తీజ్‌ సంబరాల్లో మునిగి తేలుతున్నారు గిరిజనులు. బతుకమ్మ వేడుకలను తలపించేలా తండాల్లో జరిగే ఈ ఉత్సవాలు గిరిజనులకు ఎంతో ప్రత్యేకమైనది. ఈ తీజ్‌ వేడుకల్లో స్థానిక ఎమ్మెల్యే గొంగడి సునీత కూడా పాల్గొన్నారు.

వర్షాకాలం ప్రారంభంతోనే తండాల్లో తీజ్‌ ఉత్సవాలు మొదలవుతాయి. గిరిజన సంప్రదాయానికి ప్రతీక అయిన ఈ వేడుకను ఆషాఢ శ్రావణ మాసాల్లో నిర్వహిస్తుంటారు. యువతులకు వివాహం జరగాలని.. వర్షాలు బాగా కురిసి పంటలు బాగా పండాలని.. చిన్నాపెద్దా అంతా ఆరోగ్యంగా ఉండాలంటూ ప్రతీ ఏటా ఈ ఉత్సవాలను నిర్వహిస్తారు.

బతుకమ్మలాగే మొత్తం 9 రోజుల పాటు తీజ్‌ పండుగను జరుపుకుంటారు గిరిజనులు. యువతుల చేతుల మీదుగానే పెద్దలు ఈ ఉత్సవాలను కొనసాగిస్తారు. పండుగ సందర్భంగా యువతుల ఆటపాటలతో తండాలు సందడిగా మారాయి.

Tags

Read MoreRead Less
Next Story